Presidenti i vendit është duke vazhduar qëndrimin e tij në Shtetet e Bashkuara të Amerikës.
Thaçi është pritur sot nga Sekretari Amerikan i Shtetit, Mike Pompeo, në kuadër të vizitës zyrtare në Uashington.
Presidenti Thaçi ka shprehur mirënjohjen e thellë të popullit dhe institucioneve të Kosovës për mbështetjen e vazhdueshme të Shteteve të Bashkuara të Amerikës për dekada me radhë.
“Na keni përkrahur në kohët më të vështira si dhe në ditët më të mira tona. Mirënjohja jonë është e përhershme”, është shprehur Thaçi, transmeton Indeksonline.
Temë e diskutimit ishte edhe dialogu në mes të Kosovës dhe Serbisë.
“Marrëveshja e përhershme e paqes, në mes të Kosovës dhe Serbisë, do të thotë paqe për tërë Evropën Juglindore, do të thotë kthim kah e ardhmja, do të thotë zhvillim dhe prosperitet”, ka thënë presidenti Thaçi në takim.
Presidenti Thaçi u shpreh se Kosova do të vazhdojë të bashkërendojë çdo hap të saj me Shtetet e Bashkuara të Amerikës.
“Duke ecur bashkë me Uashingtonin i kemi realizuar aspiratat tona”, përfundoi Presidenti Thaçi.
Tutje presidenti shtoi se Kosova është e bekuar me besimin dhe partneritetin e Amerikës.
Brilliant exchange & full accordance on the way ahead. US & Kosovo enjoy excellent relations & we’ll cont. deepening them. Thank you @SecPompeo for your commitment to support Kosovo’s full integration in the Euro-Atlantic family. Kosovo is blessed w/ the trust & partnership of US pic.twitter.com/rFYpyFA7XV
— Hashim Thaçi (@HashimThaciRKS) February 26, 2020
