Hashim Thaçi mund t’i ketë votat e mjaftueshme për t’u bërë president, por pritet të ketë shumë kundërshtarë, raporton KTV.
Përveç opozitës, e cila është komplet kundër zgjedhjes së tij, atë e refuzojnë një numër i caktuar deputetësh të LDK-së.
Por, mundësia për parandalimin e zgjedhjes së Thaçit president është tepër e vogël. E vetmja formë është që komplet opozita dhe rreth 10 deputetë të LDK-së të mos e krijojnë kuorumin e duhur për nisje të procedurave. Një gjë e tillë nuk pritet të ndodhë, pasi deputetët e LDK-së kanë deklaruar se nuk do ta votojnë Thaçin, por nuk kanë thënë se nuk do të rrinë në sallë sa për krijimin kuorumit.
Vjosa Osmani është kundër zgjedhjes së Hashim Thaçit dhe për këtë arsye ajo nuk do të qëndrojë në sallë.
Por për kuorumin dhe votat nuk shqetësohet fare PDK-ja.
Shefi i grupit parlamentar të PDK-së, Adem Grabovci, beson se Hashim Thaçi brenda pak ditësh do të jetë president i Kosovës.
