Zëvendëskryeministri i parë, njëherësh ministri i Jashtëm, Hashim Thaçi, e cilëson si fitore “të vogël procedurale”, futjen në agjendën përfundimtare të UNESCO-s anëtarësimi i Kosovës.
Përmes një postimi në Facebook, Thaçi thotë se tash është e rëndësishme që Kosova të përqendrohet në votimin për anëtarësim, i cili është javën e ardhshme.
“Në Paris, para pak kohe, Bordi Ekzekutiv i UNESCO-s ka aprovuar agjendën përfundimtare, ku është përfshirë edhe pika për anëtarësimin e Kosovës, e sponsorizuar nga 47 shtete. Është një fitore e vogël procedurale, por e rëndësishme sepse tani mund të përqendrohemi në votimin javën e ardhshme”, ka shkruar Thaçi.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
