Sot në Prishtinë janë takuar kryetarët e degëve të LDK-së së kryeqytetit.
Burime të Koha.net marrin vesh se ata kanë biseduar rreth përgatitjeve për zgjedhjet lokale që do të zhvillohen më 22 tetor.
LDK deri më tash nuk ka dalë me kandidatin e vet për kryetar të Prishtinës, ndërsa ka caktuar kandidatë për këtë post në shumë qytete të Kosovës.
Afati për caktimin e kandidatit është dy muaj para mbajtjes së zgjedhjeve.
LDK ka afat edhe një javë, deri më 22 gusht, për të dalë me emrin e kandidatit për kryetar të kryeqytetit.
Jo zyrtarisht merret vesh se pretendent për këtë post është ish – kryetari i Prishtinës Ismet Beqiri i cili thuhet ta ketë propozuar veten për këtë pozitë.
Ismet Beqiri, ka udhëhequr me Prishtinën gjashtë vjet, nga 2002 deri më 2008.