Partia Demokratike ka bojkotuar paradite, komisionin e Ekonomisë, ku do të diskutohet projektbuxheti i vitit 2018. LSI-ja ka vazhduar të qendrojë në komision.
Bojkoti i PD-së është një formë proteste lidhur me lënien e imunitetit, deputetit Saimir Tahiri, nga mazhoranca, në një kohë kur ndaj tij kanë nisur hetimet për lidhje me banda kriminale dhe trafikun e drogës.
Edhe dje, PD-ja e bojkotoi këtë komision: “Turp për ju që nuk hoqët imunitetin e Saimir Tahirit”, u tha deputeti Edmond Spaho, mazhorancës.
