Ish-sulmuesi i Barcelonës dhe dy herë “FIFA World Player” i vitit, Hristo Stoichkov, beson se askush nuk është i aftë për të konkurruar me Lionel Messin. Sulmuesi argjentinas ka gëzuar 12 muaj yjorë me Barcelonën, duke e ndihmuar skuadrën katalanase të fitojë në La Liga, Ligën e Kampionëve dhe “Copa del Rey”. Ai është informuar si favorit për të marrë “Topin e Artë” të këtij viti, që shpërndahet këtë të hënë.
Stoichkov luajti për Barcelonën dhe mori çmimin “Futbollisti Europian i Vitit” më 1994, ndërsa përfundoi i dyti në garën për “Topin e Artë”, pas Marco van Basten më 1992 dhe Romarios, më 1994. Bullgari shënoi 118 gola në 254 paraqitje për Barcelonën dhe 38 gola në 84 paraqitje për kombëtaren e vendit të tij. “Messin nuk e konkuron më askush, ai është një mit, – tha Stoichkov për ”Barça TV”. – Askush nuk mund të dyshojë se Messi duhet ta fitojë “Topin e Artë”.
