Por edhe pas marrjes së vendimit, specializatët po vazhdojnë të mos marrin paga.

Specializantët nëpërmjet një komunikate për media kanë kërkuar nga Ministria e Shëndetësisë që të ndërhyjë me urgjencë në zbatimin  e vendimit të Kuvendit, duke bërëzgjiidhjen e përhershme dhe të qëndrushme për mjekët në specializim.

Më poshtë mund ta lexoni reagimin e plotë të tyre:

“Mos zbatimi i vendimit të Kuvendit të RKS nga Ministria e Shëndetësisë, shqetësues për Specializantët

Pas përpjekjeve dhe angazhimeve të shumta drejtuar Institucioneve të Republikes së Kosoves për zgjidhjen e problemit të financimit të specializantëve, më në fund u konkretizua duke u futur në planifikimin buxhetor në Kuvendin e Republikes së Kosovës perkatësishtë miratimin dhe votimin e amandamentit nr. 12 i cili parasheh sigurimin e mjeteve për pagesën e Specializantëve të cilët që nga Qershori i vitit 2014 janë pa pagesë, i miratuar dhe votuar unanimishtë nga të gjithë deputetët e Kuvendit të RKS të të gjitha subjekteve politike me dt. 15. 07. 2016.

Edhe përkundër miratimit të këtij amandamenti, i cili sipas afateve te parapara ligjore duhet qe 15 ditë pas miratimit në Kuvend të bëhen hapa konkret për fillimin e realizmit të pagesës për Specializanët, tani më kanë kaluar dy muaj dhe ende as edhe një hap konkret nga M. SH – së nuk është bërë dhe si shkak i kësajë qindra specializant vazhdojnë të mbesin më vetëfinancim, duke qenë të obliguar të mbajnë nga dy orare të punës, duke tejkaluar të gjitha normat e lejuara me ligjin e punes, ku mjeku detyrohet të punojë deri në104 orë në javë.

Ky moszbatim i vendimit të Kuvendit, po i shtynë ata që të lëshojnë Kosovën dhe të kërkojnë punë në vendet e perendimit duke e rritë edhe më shumë ikjen e mjekëve jashtë Kosovës e ku numri i mjaftueshëm i mjekëve për kokë banori është edhe një nga parakushtet që parashihen për antarësimin e Kosoves në BE.

Konsiderojm se kjo është papërgjegjësi Institucionale që duhet ta shqetësoj edhe Qeverinë edhe Kuvendin e Kosoves  si dy Institucionet kryesore vendimarrëse.

Kosova është vendi që ka më së paku mjekë për kokë banori në Ballkan dhe rrjedhimisht edhe në Europë dhe Ministria e Shëndetësisë po i lë pa paga edhe ata Specialist dhe Specializantë që i ka duke e rritur kështu në mënyrë shumë të ndjeshme numrin e të papunëve në Kosovë, i cili edhe ashtu është shumë i lartë. Kosovës sot po i ikin edhe mjekët jashtë vendit por edhe pacientët të cilët kërkojnë trajtim jashtë vendit, në ndërkohë që M. SH – së, nuk merr asnjë masë për këtë gjendje dhe në vazhdimësi neglizhon edhe vendimin e Kuvendit i cili tashmë është bërë LIGJ dhe si i tillë duhet të respektohet. M. SH – së nëse vazhdon kështu,brenda një periudhe shumë të shkurtër kohore do të përjetojë kollaps shëndetësor edhe ashtu shumë të brishtë, duke rrezikuar humbjen e  kuadrove të reja dhe cilësore.

Neve jemi të vetëdijshëm që M. SH – së, ballafaqohet me mungesë buxheti, por në momentin qe amandamenti nr. 12 eshte votuar me shumicë votash dhe ka hyrë si LIGJ në Kuvend, është obligim ligjor dhe institucional i M. SH – se, që ta respektoj dhe ta aplikoj në afatet e parapara ligjore. E jo tash e 2 muaj neve nuk e kemi as shenjen më të vogel pozitive nga M. SH – së, për realizimin e pagave tona, të cilat tanimë na takojnë me LIGJ. Andaj që nga momenti i miratimit të buxhetit në Kuvend, përgjegjësia për zbatimin e vendimit të marrë nga Kuvendi i takonë ekskluzivishtë M. SH – së dhe sipas kësaj ligji e obligon M. SH – së, që në mënyrë retroaktive të i rikthej pagat e Specializantëve që nga dt. 15. 07. 2016, kur edhe është miratuar në Kuvend. Gjithashtu ne insistojmë që futja në paga të bëhet në të njëjtën kohë për të gjithë Specializantët.

Kërkojmë nga Ministri i Shëndetësisë që të ndërhyjë me urgjencë në zbatimin  e vendimit të Kuvendit, duke bërëzgjiidhjen e përhershme dhe të qëndrushme për mjekët në specializim.

Ministria e Shëndetësise duke mos e zbatuar Vendimin e Kuvendit, rrjedhimisht duke e thyer ate, shpallë konkurs të ripër Specializime të reja. Neve në asnjë mënyrë nuk jemi kundër këtij konkursi, përkundrazi jemi që të ndahen sa më shumë Specializime sepse Kosova ka nevojë ugjente që të rritet numri i mjekëve të specializuar në drejtimet përkatëse duke ja përshtatë nevojave të vendit.

Mirëpo konsiderojm që duke u shpall konkursi i ri pa u zgjidh problemi i Specializantëve të tanishem, nuk do ta zgjidh, perkundrazi vetëm sa do ta thellojë edhe më tutje problemin.

Andaj mbesim me shpresë që ky vendim i Kuvendit të jetësohet sa më shpejt dhe që Specializantet ti kthehen normalitetit te kryerjes se obligimeve te tyre që parashihen edhe me kontratën mbi shkollimin specialistik, e jo duke tejkaluar të gjitha normat e orëve të parapara me ligjin e punës” thuhet në reagimin e tyre drejtuar mediave