Do t’u jepet sot lamtumira e fundit shumë prej viktimave të tërmetit që goditi qytetet italiane të Arkuata del Trontos, dhe Peskara del Trontos.
Numri i viktimave të tërmetit të së martës ka mbërritur në 281, ndërkohë që lëkundje të lehta janë ndjerë edhe gjatë natës. Ora 03:00 shënoi lëkundje me magnitudë 2.0, dhe 3.2, më e forta e regjistruar në provincën e Askoli Piçeno në orën 1:13 minuta. Epiqendra ishte sërish Askoli dhe provinca di Rieti e Peruxhia.
Qeveria italiane e shpalli të shtunën ditë zie dhe akordoi 50 milionë euro fond emergjence për përballimin e dëmeve të tërmetit.
“Rindërtimi i zonave të shkatërruara është prioriteti ynë” u shpreh kryeministri italian Mateo Renxi.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
