Dita e punëtorëve kësaj here do të jetë më ndryshe në Kosovë.
Pikërisht në këtë ditë një grup i të rinjve kanë planifikuar të organizojnë një marsh protestues, në Prishtinë, për gjendjen e punëtoreve në sektorin privat. Po ashtu, edhe ish-punëtorët e kombinatit “SharrCem”, kanë paralajmëruar për sot një protestë.
Marshi qytetarë në Prishtinë, sipas organizatorëve ka si qëllim vetëdijesimin e shoqërisë për nevojën e avokimit të të drejtave të punëtoreve.
Organizimi fillon në Sheshin “Zahir Pajaziti” në ora 12:00 të mesditës dhe përfundon me një aksion simbolik pranë rrethojave të Qeverisë së Kosovës.
Ngjarja është publikuar edhe në rrjetin social Facebook “HESHTJA KURRË NUK KA FITUAR TË DREJTA; Marsh për respektimin e të drejtave të punëtorëve.”
https://www.facebook.com/events/1055841694489780/
Ish-punëtorët e kombinatit “SharrCem”, kanë paralajmëruar protestë, të dielën me 1 maj. Ata do të kërkojnë nga institucionet më të larta në vend që të kërkojnë nga Agjencia Kosovare e Privatizimit (AKP), të kthejë kombinatin në duar të ish-punonjësve.
Sipas njoftimit, punëtorët bashkohen te staci oni i hekurudhës në Han të Elezi, në orën 10:30, dhe vazhdojnë marshin drejt portës së Cimentorës.
