Dy gra janë parë duke u sulmuar nga sorrat në Prishtinë.
Një video e dërguar sot në Express tregon momentin kur sorrat sulmojnë një grua në qendër të kryeqytetit. Ajo për pak sa nuk rrëzohet, ndërsa përpiqet t’i shmanget një sorre, duke e mbrojtur kokën me shall.
Po njësoj, është sulmuar edhe një tjetër grua më pas.
Sorrat, të cilat konsiderohen si lloji më inteligjent i shpendëve, janë bërë problem serioz në Prishtinë. Vetëm në maj të këtij viti, dhjetëra personave u është dashur të kërkojnë ndihmë mjekësore si pasojë e lëndimeve nga to.
