Kosova e Shqipëria hapin edhe një derë për të ofruar mundësinë e realizimit të projekteve të dy vendeve në një mënyrë ndryshe, raporton KTV.
Drejtues institucionesh nga Shqipëria zgjodhën qytetin e Gjakovës për të hapur Konsullatën e Nderit, e para që hapet në Kosovë, trasnemton Koha.net.
Ky do të jetë një vend zyrtar për takime e diskutime të çështjeve të fushave të ndryshme për brezat e rinj.
Ambasadori i Shqipërisë në Kosovë Qemajl Minxhozi tha se kjo Konsullatë do të pasohet vitet e ardhshme edhe të tjera.
Konsull Nderi u emërua akademik Tahir Emra.
Ideja e hapjes së Konsullatës në Gjakovë u bë muaj më parë me iniciativën e ambasadorit Minxhozi.
Ministrja Edita Tahiri mori pjesë në ceremoninë e inaugurimit të konsullatës së nderit të Shqipërisë në Gjakovë, konsullatë kjo e cila ka për qëllim forcimin e lidhjeve kombëtare dhe promovimin e bashkëpunimit në gjitha sferat mes dy shteteve.
Në ceremoninë e organizuar nga kryetarja e komunës Mimoza Kusari-Lila, mori pjesë dhe ministri i Punëve të Jashtme të Shqipërisë, Ditmir Bushati, Mimoza Kusari- Lila, ambasadorët në dyja vendet Qemajl Minxhozi dhe Ramiz Lladrovci, konsulli i nderit akademik Tahir Emra dhe shumë personalitete tjera nga jeta politike e kulturore nga Kosova dhe Shqipëria.
