Ministri i Brendshëm i Serbisë, Nebojsha Stefanoviq, ka thënë se pranimi i Kosovës në Interpol është i papranueshëm për Serbinë
Ai, siç transmetojnë mediet e Beogradit, ka shtuar se Ministria e Brendshme e Serbisë do të përdorë të gjitha mjetet diplomatike kundër kësaj nisme.
Sipas Stefanoviqit, transmeton Koha.net, “Kosova si pjesë përbërëse e Serbisë” nuk m und të jetë e pavarur anëtare e Interpolit.
“Sipas informatave që kemi, ende nuk është në rend të ditës se seancës së ardhshme të Kuvendit të Përgjithshëm të Interpolit, që do të mbahet në Ruandë, por ne gjithsesi do ta njoftojmë sekretarin e përgjithshëm të këtij institucioni ndërkombëtar dhe të gjitha anëtaret pse konsiderojmë se kjo nismë nuk është legjitime dhe është e dëmshme”, ka theksuar Stefanoviq.
Ministri ka theksuar se bëhet fjalë për një territor nga i cili kanë ndodhur sulme terroriste dhe prej nga janë dëbuar dhjetëra mijë serbë.
Për këto arsye, siç është shprehur ai, gjatë periudhës së ardhshme me një fushatë aktive do të tregojmë se pranim i Kosovës nuk është në interes të institucioneve hetuese ndërkombëtare, e nuk do të ishte i mirë as për marrëdhëniet e Serbisë me Interpolin.
