Kryeministri i Serbisë, Aleksandër Vuçiq, ka bërë një propozim për të gjithë liderët e vendeve të ish-Jugosllavisë për një datë të përbashkët lidhur me kujtimin e viktimave të luftërave. “Kjo do të jetë një ditë e përbashkët kur të gjithë kombet do të kujtojnë të gjitha viktimat e luftërave në këtë rajon, pavarësisht nga përkatësia e tyre etnike. Ne nuk mund të jetojmë me urrejtje, duke gërmuar në plagët e së shkuarës”, tha ai.
Lidhur me këtë, mediet serbe raportojnë se kancelarja e Gjermanisë, Angela Merkel, beson se ky propozimi i kryeministrit serb për pajtimin rajonal dhe një ditë të kujtimit të të gjitha viktimave është i dobishme në marrëdhëniet e fqinjësisë së mirë, e cila është një nga gurthemelet e BE-së, transmeton “zeri.info”.
Vuçiç do të jetë zyrtarisht më 27 gusht në Vjenë, në Samitin për Ballkanin Perëndimor, i cili do të përfshijë përfaqësuesit e Bashkimit Evropian për prezantimin e një nisme për krijimin e Ditës së Kujtesës për të gjitha viktimat e luftës në ish-Jugosllavi.
Gazeta elektronike serbe “Telegraf.rs” raporton se kjo iniciativë e Vuçiqit do të ketë mbështetjen edhe nga shteti gjerman, respektivisht nga kancelarja Merkel.
Më tutje, kjo gazetë thotë se Berlini zyrtar beson se ideja e pajtimit rajonal dhe kujtimi i të të gjitha viktimave është një gjë shumë e mirë dhe e dobishme, transmeton “zeri.info”.
Propozimi synon marrëdhënie të mira fqinjësore në Ballkan. Ne jemi duke pritur për eagimin e vendeve, të cilat do ta zbatojnë këtë nismë, thonë burime të “Telegraf.rs” nga kabineti i Angela Merkel.
Tani për tani, reagimet kanë ardhur nga Prishtina, Zagrebi dhe Sarajeva, të cilat nuk janë saktësisht të kënaqur me propozimin e pajtimit, ndërsa kryeministri serb u bëri thirrje udhëheqësve kroatë dhe BiH të shikojnë interesin më të lartë.
Zëvendëskryeministri i Republikës së Kosovës, Hashim Thaçi, ka deklaruar se pretendimi i kreut të udhëheqjes serbe për relatizimin dhe rishkrimin e historisë dhe barazimin e atyre, që nxitën, organizuan dhe kryen gjenocid, me ata që u mbrojtën në vendin e vet, nuk është njerëzore dhe nuk i shërben pajtimit. “Pajtimi duhet t’i shërbejë së ardhmes dhe jo politikës ditore e spektakleve mediatike”, ka shkruan Thaçi në “Facebook”.
Ndërsa reagimi i kryeministrit Vuçiq ishte se Serbia nuk ka fyer apo kërcënuam askënd gjatë aktiviteteve të organizuara nga shteti. “Nuk ka pasur incidente, ne trajtuam me respekt fqinjët tanë dhe viktimat”, tha ai. /Zëri/
