Deputeti i Lëvizjes Vetëvendosje, Rexhep Selimi, gjatë seancës së sotme ka deklaruar se Kosova ka nevojë për një gjykatë kundër krimeve të Serbisë.
“Nuk është e vërtetë se nëse Kosova e refuzon këtë Gjykatë, atë do të formoj OBK-ja. Nëse eventualisht do të merr vendim ajo mund të merr vendim vetëm për formimin e një gjykate për Serbinë”, ka thënë ai.
Sipas tij, gjithë këto që po thuhet se nëse Kosova nuk voton për gjykatën Speciale, do ta bëjë OBK-ja, janë gënjeshtra.
Deputeti i LVV-së më tej tha se, deputetët serb që janë në Kuvendin e Kosovës janë kundërtash të shtetit.
“Edhe në Kuvendin e Kosovës ka kundërshtar të Republikës së Kosovës e ata janë deputetët e Listës “Serbe”.Ta shohim a po i fërkojnë duar edhe ata apo do të vijnë këtu për të votuar këtë Gjykatë”, ka thënë Selimi. /Zëri/
