Samsung publikoi rezultatet financiare për tremujorin e parë të 2015-ës

E publikuar: 30/04/2015 06:55
Rreshtat+- AShkronjat+- Printo

Samsung publikoi rezultatet e saj financiare për tremujorin e parë të vitit 2015. Kompania ka pasur rritje të fitimeve nga një tremujor në tjetrin pavarësisht se shitjet ranë me 11% nga tremujori i katërt i vitit 2014. Divizionet Device Solutions (DS)  dhe Mobile (IM) patën rënie të pakta në shitje, ndërsa tek divizioni Consumer Electronics (CE) shitjet ranë me gati 28%.

Për tremujorin e parë të vitit 2015, që mbaroi më 31 mars, Samsung raportoi një fitim në neto prej 4.3 miliardë dollarësh, që shënon një rënie me 39% krahasuar me të njëjtin tremujor të vitit të kaluar. Ky është tremujori i katërt që Samsung pëson të rënie të fitimeve. Megjithatë më e keqja ka kaluar: fitimet operative u rritën me 13.1% nga tremujori i katërt i vitit 2014 me 5.5 miliardë dollarë.

Samsung pati më shumë sukses me biznesin e procesorëve, i cili ishte 50% më mirë se tremujori i parë i vitit 2014 dhe 8.5% më mirë krahasuar me tremujorin e katërt të vitit 2014. Sa i përket divizionit të pajisjeve mobile, Samsung pësoi rënie të të ardhurave. Edhe pse arriti të shesë 99 milionë pajisje, ku 80% e tyre ishin telefona inteligjentë, fitimet ranë me 57% nga viti në vit.