Angazhimi i Beogradit për anëtarësim në Bashkimin Evropian nuk shihet si pengesë për forcimin e marrëdhënieve midis Rusisë dhe Serbisë, ka thënë zëdhënësi i Ministrisë së Jashtme ruse, Aleksandr Lukashevich.
Ai ka thënë se Serbia mund të vazhdojë tutje të llogarisë në mbështetjen e Moskës për mbrojtjen e sovranitetit të saj, kur është në pyetje Kosova.
Lukashevich po ashtu ka thënë se dialogu politik midis Serbisë dhe Kosovës është shtysë e nevojshme për përmirësimin e marrëdhënieve dypalëshe, raporton B92.
Ai i ka bërë këto komente në prag të vizitës në Beograd të ministrit të Jashtëm rus, Sergei Lavrov.
Lavrov pritet të arrijë sonte në kryeqytetin serb.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
