Rishpallja e konkursit për pozitën e rektorit të Universitetit të Prishtinës pritet të shpallet brenda ditësh.
Një gjë të tillë e ka bërë të ditur kryetari i Këshillit Drejtues të UP-së, Ismet Salihu, edhe pse nuk ka dhënë datë të saktë për një gjë të tillë.
Megjithatë, Salihu ka thënë përmes telefonit për KosovaPress-in se konkursi do të shpallet brenda kësaj jave, ndërsa procedura për zgjedhjen e të parit të UP-së do të jetë e njëjtë sikur në herën e parë.
Rishpallja e konkursit pritet të bëhet pasi në zgjedhjet e përgjithshme, në raundin e parë, Bordi i UP-së nuk arriti ta zgjedh për rektor asnjërin nga katër kandidatët që kishin arritur në intervistë të premten e kaluar.
