Rekrutuan shqiptarë për në Siri, imamët s’marrin avokatë: Na mbron Allahu

E publikuar: 17/03/2015 15:05
Rreshtat+- AShkronjat+- Printo

Është shtyrë seanca gjyqësore në Gjykatën e Krimeve të Rënda për 9 imamët e akuzuar për rekrutimin e shtetasve shqiptarë dhe dërgimin e tyre në frontin e luftës në Siri.
Seanca ndaj tyre është shtyrë për në datën 24 mars, ora 09:00.

Mësohet se në seancën e sotme 6 nga të pandehurit, përfshirë dy imamët e vetëshpallur nuk janë paraqitur me avokatë, duke deklaruar se nuk kanë nevojë për ta, pasi i mbron Allahu.

Organi i akuzës ka përfunduar të gjitha hetimet dhe ka dalë në përfundimin se këta persona kanë dërguar rreth 70 shtetas shqiptarë në Siri për të luftuar përkrah ekstremistëve islamikë të ISIS-it.

Nëntë të pandehurit e kësaj çështjeje akuzohen nga Prokuroria për rekrutim të personave për kryeje veprash terroriste, nxitje për kryerjen e veprimeve terroriste dhe nxitje të urrejtjes dhe grindjeve.

Ata u arrestuan me urdhër të Prokurorisë së Krimeve të Rënda në shkurt të vitit 2014./express/