Deputeti i zgjedhur i Aleancës, Burim Ramadani, ka kritikuar zhvillimet e djeshme në Kuvendin e Kosovës, duke e cilësuar si të dëmshëm refuzimin e partisë fituese për të nominuar kandidatin për kryetar të Kuvendit.
Përmes një postimi në Facebook, Ramadani ka thënë se një veprim i tillë përbën, sipas tij, refuzim për të zbatuar rezultatin e zgjedhjeve.
“Keqpërdorimi i pushtetit po ia zë frymën Kosovës. Është edhe gabim, edhe e dëmshme ajo që ndodhi dje në Kuvend. Partia fituese refuzoi të nominojë kandidatin për Kryetar Kuvendi. Ky është hiq më pak se refuzim për të zbatuar rezultatin e zgjedhjeve. Populli votoi, i dha besimin, këta refuzuan të marrin detyrën!”, ka shkruar Ramadani.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
