Ish–deputetja në Kuvendin e Kosovës Rada Trajkoviq shpreson se Kosova nuk do të pranohet në UNESCO kur për këtë do të vendoset gjatë muajit nëntor.
Ajo për gazetën Beogradit Kurir ka thënë se rekomandimi i sotëm për pranim të Kosovës në UNESCO është njësoj “sikur të kishin mbetur pa frymë“, transmeton Koha.net.
Trajkoviq thotë se thesari kulturor në Kosovë është thelbi i popullit serb.
“Dhe kur përpiqen të ta rrëmbejnë këtë thelb, atëherë Kosova nuk ka vlerë. Jam e sigurt se Kosova në fund nuk do të ketë mundësi të bëhet anëtare e UNESCO-s, e kjo duhet të na shërbejë si vërejtje që më seriozisht të punojmë rreth Kosovës”.
Ajo ka përfunduar se negociatat dhe marrëveshjet në Bruksel kanë kaluar shumë lehtë dhe për këtë shkak “na kanë konsideruar se nuk ka mbetur dhe aq shumë për Kosovën gjë që është gabim”.
