Qeveria shkurtoi 50 për qind Fondin për kuadro dhe ndau 200 mijë euro për Shtërpcën

E publikuar: 12/08/2015 16:04
Rreshtat+- AShkronjat+- Printo

Në mbledhjen e sotme Qeveria ka miratuar vendimi për përcaktimin e nivelit maksimal të shpërndarjes së mjeteve financiare nga Fondi për Kuadro, i cili do të ketë një shkurtim prej rreth 50 (pesëdhjetë) për qind në këtë vit, njofton kumtesa nga Kryeministria.

Në mbledhjen e sotme, Qeveria ka ndarë 200 mijë euro për Komunën e Shtërpcës me qëllim të mbështetjes për kryerjen e obligimeve të mbetura financiare.

Qeveria e Republikës së Kosovës , në mbledhjen e sot ka miratuar Projektligjin për Dizajnin Industrial. Ky projektligj përcakton kushtet dhe procedurat për regjistrimin e dizajnit industrial, të drejtat që rrjedhin nga regjistrimi dhe zbatimi i këtyre të drejtave. Projektligji është në përputhje me legjislacionin e Bashkimit Evropian.

Është ka miratuar edhe Projektligjin për ratifikimin e Marrëveshjes ndërmjet Qeverisë së Republikës së Kosovës dhe Qeverisë së Dukatës së Madhe të Luksemburgut, për projektin e bashkëpunimit për zhvillim KSV17: Programi për Mbështetjen e Shëndetësisë në Kosovë Faza II.

Qeveria ka miratuar edhe koncept dokumentin për Investimet Strategjike në Republikën e Kosovës si dhe është shqyrtuar dhe miratuar nisma për lidhjen e Marrëveshjes ndërmjet Qeverisë së Republikës së Kosovës dhe Qeverisë së Japonisë për promovimin dhe mbrojtjen e investimeve.

Kabineti qeveritar është informuar me Raportin mbi performancën e të hyrave dhe shpenzimeve buxhetore në periudhën janar-korrik të viti 2015 dhe Raportin gjashtëmujor të shpenzimeve për të gjitha organizatat buxhetore në periudhën janar-qershor 2015.

Raporti vjetor për vitin 2014, i Agjencisë së Statistikave të Kosovës, ka marr miratimin e Qeverisë së Kosovës në mbledhjen e sotme. Raporti evidenton angazhimin për fuqizimin e bashkëpunimit për konsolidimin e sistemit statistikor bashkëkohor në Kosovë si dhe komunikimit me shfrytëzuesit e statistikave zyrtare.

Është aprovuar edhe koncept dokumenti për kuadrin ligjor të tatimit në pronën e paluajtshme në Republikën e Kosovës.

U miratua edhe vendimi për themelimin e Grupit Punues Ndërinstitucional për Sektorin Minerar.

Qeveria e Republikës së Kosovës ka aprovuar vendimin për fillimin e procedurave për eliminimin e të gjitha monopoleve ekonomike dhe veprimeve që kufizojnë konkurrencën e lirë dhe ato të cilat krijojnë detyrime për qytetarët, dhe të cilat detyrime nuk janë të parapara me ligjet në fuqi
Qeveria ka emëruar Heset Mazrekaj në detyrën e Avokatit të Përgjithshëm Shtetëror në Avokaturën Shtetërore të Republikës së Kosovës, në kuadër të Ministrisë së Drejtësisë.