Që Mario Balotelli nuk bën më pjesë në planet e Liverpoolit kjo dihej prej kohësh, por në ditët e fundit situtata mes klubit anglez dhe ish futbollistit të Milanit është përkeqësuar akoma edhe më shumë, këtë gjë e tregon mësëmiri fakti që trajneri Brendan Rodgers nuk e ka grumbulluar për turneun veror në prag të sezonit të ri që The Reds do ta zhvillojnë në tre vende të ndryshme Tajlandë, Australi dhe Malajzi. Për këtë arsye sulmuesi italian është vënë në kërkim të një destiancioni të ri për të vijuar karrierën. Balotellin nuk e dëshiron më askush dhe sëfundmi vetëm skuadra turke e Trabzonsporit kishte shfaqur interes për të, por tashmë ka dalë në skenë edhe emri i Fiorentinës, klub që mund të preferohet edhe nga vetë Supermario ose Bad Boy sic quajnë ndryshe 24-vjecarin. Drejtuesit e klubit vjollcë po mendojnë seriozisht për Balotellin dhe për të marrë shërbimet e sulmuesit janë gati ti ofrojnë Liverpoolit si shkëmbim kartonin e gjermanit Mario Gomez. Edhe bisedimet kanë vetëm pak që kanë nisur në Firence shpresojnë se ky operacion merktoje do të mbyllet me sukses. Te Fiorentina dëshirojnë një shkëmbim huazimesh mes Balotellit dhe Gomez edhe pse te klubit vjollcë nuk duhet të harrojnë faktin që Supermario te Liverpooli përfiton një pagë shumë të lartë jashtë parametrave të Fiorentinës.
