Në Komunën e Prishtinës ekziston mundësia e djegies së kufomave.
Megjithatë, në kryeqytet nuk ka vend ku bëhet një gjë e tillë raporton 038.
Komunarët thonë se nuk iu takon atyre të krijojnë krematorium.
Në Mjekësinë Ligjore thonë se shtetet si Gjermania e preferojnë djegien, për të kursyer tokën për varreza. Megjithatë, sipas Arsim Gërxhaliut, kjo nuk mund të bëhet në Kosovë.
Yll Rugova ka thënë se krematoriumi është i nevojshëm edhe në Prishtinë.
Është neni 22 i rregullores për menaxhimin e shërbimeve të varrimit në Komunën e Prishtinës që thotë se: Djegia e kufomës ose eshtrave mund të bëhet vetëm në krematorium, si dhe se djegia e kufomës ose eshtrave bëhet vetëm nëse i vdekuri gjatë jetës ka lënë testament të vlefshëm juridikisht që kufoma e tij të digjet.
Ndryshe Bashkësia Islame e kundërshton këtë formë të varrimit, derisa Ipeshkvia e Kosovës ka thënë se besimtarët e saj mund të lënë amanet që kufoma të ju digjet.
