Kreu ushtarak i Forcës, gjeneral-lejtnant Rrahman Rama, ua ka kujtuar edhe një herë ligjvënësve se trupat që ai i udhëheq po presin vetëm vendimin politik për të nisur misionin ushtarak, për të cilin ka thënë se po përgatitën tash e 3 vjet, raporton KTV.
Në raportimin e tij vjetor, Rama, para komisionit që e mbikëqyr forcën, ka thënë se janë duke finalizuar hartimin e draftit të planifikimit afatgjatë prej 10 vjetësh, i hartuar në partneritet me ushtrinë amerikane.
Ai ka theksuar se pas ditës D, prioriteti kryesor i Forcës, përveç rritjes se numrit të pjesëtarëve të Forcës, shndërrimit të MFSK-së në Ministrinë e Mbrojtjes, gjëja e parë është investimi në Komandën e Trajnimit dhe Doktrinës, apo thelbin e ushtrisë.
Bojan Metiq nga Lista Serbe ka deklaruar se kjo çështje për komunitetin serb është e ndjeshme. “Ne shumë shpejt do ta kemi një vendim unik për të ardhmen e Forcës”, ka thënë ai.
Derisa Nuredin Ibishi nga LDK-ja pyeti rreth xhipave, për të cilët raportoi KTV-ja ditë më parë.
