Duket se disa politikanë serbë nga Beogradi nuk janë më të dëshiruar as për serbët e Kosovës.
Kryetari i Partisë Demokratike të Serbisë (DS), Bojan Pajtiq ka lënë territorin e Kosovës pas një incidenti në Graçanicë, raporton televizioni “Most”.
Pajtiq pas incidentit, vendosi të ndërpresë vizitën e mëtejshme në Kosovë, me ç’rast autokolona që e përcillte politikanin serb u drejtua për në pikëkalimin kufitar të Konçulit, transmeton Telegrafi.
Në videon e publikuar nga televizioni serb, shihet se si disa qytetarë e fyejnë liderin e ish partisë së Boris Tadiqit, ndërsa ai, për mos ta tensionuar situatën, largohet nga Kosova.
Vetë politikani serb ka pohuar se vizita e tij kishte karakter fetar, kurse rreth incidentit nuk ka dhënë asnjë deklaratë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
