Ministria e Mbrojtjes bënte të ditur sot se në zbatim të detyrimeve që rrjedhin nga urdhrat e ministrit të Mbrojtjes, në kuadër të kontributit të FARSH në misionet e drejtuara nga NATO dhe hapat që Aleanca po ndërmerr për ndërtimin e kapaciteteve mbrojtëse për masat e sigurisë, një togë prej 30 vajzash e djemsh të Policisë Ushtarake, do të marrin pjesë në Qendrën Stërvitore Amerikano – Bullgare në “Novo Selo” Sliven, Bullgari.
Siç shkruan mapo.al, ata do të jenë të pajisur me armatim dhe mjete taktike të standardeve të NATO.
Sipas mapo.al, më datat 1 – 19 Korrik 2015 ata do të marrin pjesë në stërvitjen shumëkombëshe të NATO të koduar “Platinium Lion 15 – 03”, me pjesëmarrjen e trupave ushtarake amerikane, bullgare, rumune dhe shqiptare.
“Ministria theksonte se pjesëmarrja në këtë aktivitet ka të bëjë me konkretizimin e një prej vendimeve shumë të rëndësishëm që Aleanca mori në shtatorin e vitit që shkoi në Samitin e Uellsit, atë të miratimit të Planit të Veprimit ‘Gatishmëria për të rritur kohën e përgjigjes së Aleancës në sfidat e reja të sigurisë‘”.
“Dihet se kjo gatishmëri bëhet ndaj Rusisë, pas mësymjeve të Putinit të Lindje të Ukrainës dhe luftës së rebelëve filo-rusë ndaj qeverisë së Kievit”, shkruan më tej mapo.al.
