Çarja e gypit të ujësjellësit në “Lagjen e Spitalit” në kryeqytet, tash e sa ditë përfundon në oborrin e Florent Limanit. Sipas Limanit, rrjedhja mund t’ia rrezikojë edhe themelet e shtëpisë.
Për problemin që e kanë banorët e këtushëm, thonë se e kanë informuar kompaninë e ujësjellësit rajonal të Prishtinës, në momentin që kishte ndodhur plasja e gypit. Por, ata nuk u përgjigjen thirrjes së tyre.
Tek të enjten në mesditë, pas interesimit të Klan Kosovës, punëtorët e kompanisë intervenuan.
Banorët e lagjes i thanë televizionit se përpjekjet për ta sanuar avarinë kanë vazhduar edhe pasditen e së enjtes. /Klan Kosova/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
