Partia më e madhe politike në Kosovë (PDK) po insiston që Hashim Thaçi të zgjidhet president në sallën e Kuvendit, jo në atë alternative.
Ky subjekt politik ka nxjerrë Rafet Ramën si kundërkandidat të Thaçit për president, duke shpresuar se Rama do të votohet nga opozita dhe njëkohësisht do ta sigurojë kuorumin
Vendimi i Partisë Demokratike të Kosovës (PDK) që ta nxjerrë deputetin Rafet Rama si kundërkandidat të Hashim Thaçit për president të vendit është vetëm një truk që ta mbajë opozitën në seancë, pasi që mendohet se Rama ka raporte të mira me shumë deputetë opozitarë.
Kështu bëjnë të ditur burime të gazetës “Zëri”, duke shtuar se PDK-ja ka llogaritur se Ramën do ta votojë opozita dhe kështu do ta bëjë kuorumin e nevojshëm që Thaçi të zgjidhet president.
Në anën tjetër, partitë opozitare thonë se nuk ka president që mund të dalë nga koalicioni PDK-LDK.
Sipas tyre, kjo Qeveri duhet të japë dorëheqje, pasi që nuk ka legjitimitet popullor dhe është absurd që ky koalicion ta zgjedhë një president.
Ndërsa analistët kosovarë thonë se zgjedhja e një presidenti në një sallë alternative apo nën tymin e gazit do të ishte jo kredibile dhe nuk do të arrinte as minimumin e kërkesave që kërkon procedura e zgjedhjes së të parit të shtetit. /zeri/
