Albin Kurti lexon raportin konfidencial të EULEX’it. Veseli e falenderon “për këtë poezi”. Kurti i thotë Veselit se nuk e di ç’është poezia. Veseli e falenderon për “këto përralla”.Deputeti i Vetëvendosjes, Albin Kurti, sërish ka reaguar ndaj Kryeparlamentarit Kadri Veselit, duke thënë se po përdor karrigen e Kryetarit të Kuvendit për ta quajtur fjalimin e tij si poezi.
Sipas Kurtit, kjo tregon se Veseli nuk ka ide se çka është poezia.
Megjithatë, Veseli sërish i është përgjigjur, duke e falënderuar për këto përralla. Ai ka thënë se po presin konfirmimin zyrtar të raportit dhe pastaj do të reagojnë.
Veseli-Kurtit: Faleminderit për poezinë
Deputeti i Vetëvendosjes, Albin Kurti në seancën e Kuvendit ka lexuar raportin konfidencial të EULEX’it, të publikuar në KTV, duke thënë se për politikanët e PDK’së nuk ka interes partiak, as grupor por vetëm interes personal dhe me këtë logjikë nuk ka shtet funksional.
Ndërkohë pas këtij fjalimi, Kryetari i Kuvendi, Kadri Veseli falënderoi Kurtin, siç tha ai, për këtë poezi.
