Drejtori i Zyrës për Kosovë në Qeverinë e Serbisë, Marko Gjuriq, e ka cilësuar “trajtim johuman” atë që po i bëhet politikanit serb nga veriu i Mitrovicës, Oliver Ivanoviq.
Këto komente ai i tha në RTS, ku ishte bashkë me shefin e UNMIK-ut Farid Zarifin.
“Po ju rikujtoj, ai ka vlerësuar që ndalja e tij nuk është e bazuar dhe të gjithë ata që e dinë mirë situatën në Kosovë gjatë pesëmbëdhjetë vjetëve e dinë që Ivanoviqi sa i përket politikës së tij është Gandi i Kosovës. Asnjëherë nuk e ka zbatuar politikën kombëtare as me vepra as me fjalë”, ka theksuar Gjuriqi, përcjell koha.net.
