Partia Demokratike e Kosovës ka konfirmuar vullnetin për raporte të mira me Lidhjen Demokratike të Kosovës.
Këshilli Drejtues i PDK-së, në mbledhjen e mbajtur të mërkurën, ka miratuar edhe një deklaratë politike, në të cilën para së gjithash shprehet gatishmëria për vazhdimin e partneritetit afatgjatë me LDK-në, shkruan sot Koha Ditore.
Këto dy parti nga viti 2014 janë në koalicion qeveritar – LDK-ja drejton Qeverinë, kurse PDK-ja Kuvendin. Kjo e fundit së shpejti pritet ta ketë në menaxhim edhe Presidencën, pas zgjedhjes së Hashim Thaçit në këtë post, me përkrahjen edhe të shumicës së deputetëve, partnerëve në koalicion.
Deklarata me 13 pika, e cila u miratua nga shumica e anëtarëve të Këshillit të PDK-së, i jep mbështetje të fuqishme edhe zgjedhjes së zëvendëskryetarit Kadri Veseli në krye të partisë. Deri më 7 maj, kur do të mbahet Konventa e partisë, Veseli do të jetë vetëm ushtrues detyre i kryetarit.
