Ish-futbollisti francez Eric Cantona gjatë ndarjes së cmimeve Laureus në sport në Shangai të Kinës, u shpreh se futbollisti më i mirë në botë për te nuk është as Lionel Messi dhe as Cristiano Ronaldo, por Javier Pastore i Paris Saint Germmain. Një deklaratë kjo disi e ekzagjeruar, që nuk është marrë shumë seriozisht as nga 25-vjecari i kampionëve të Francës.
Nëpërmjet një postimi në rrjetet sociale, vetë Pastore doli kundër Eric Cantonas. “Unë i miri në botë? Feleminderit Cantona për komplimentat, por nuk jam dakord.”
Një distancim krenar i Pastores, nga një krahasim i pavend, sepse të jesh më i mirë se Messi dhe Ronaldo, pavarësisht cilësive që zotëron, është e pamundur.
Nuk është nevoja që dikush të replikojë me Ish-sulmuesin e Manchester United, sepse është vetë Pastore që e mbyll debatin ende pa nisur. Përtej cilësive të padiskutueshem që zotëron, Pastore e ka të qartë se dimensionet e Messit dhe Ronaldos në futbollin e sotëm, janë të pakrahasueshme.
