Pas dridhjes së tokës rreth orës 11:00 të ditës së hënë në Gjilan, Komuna e Gjilanit e udhëhequr nga kryetari Lutfi Haziri është vënë në dispozicion me të gjithë kapacitetet komunale për t’u dalë në ndihmë qytetarëve për ndonjë ndihmë eventuale.
Fatmirësisht, deri në këtë moment nuk është raportuar asnjë rast nga qytetarët për dëme, as në njerëz e as dëme materiale.
Komuna e Gjilanit, përkatësisht Drejtoria për Mbrojtje dhe Shpëtim së bashku me Shërbimin e Zjarrfikësve dhe në koordinim të plotë me Policinë e Kosovës është në dispozicion të qytetarëve në çdo kohë, për t’u dalë në ndihmë atyre për çdo kërkesë dhe në çdo kohë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
