Kryesuesi i Asamblesë së Përgjithshme të Byrosë Kosovare të Sigurimeve Rrahim Pacolli përmes një postimi në Facebook ka thënë se Kosova nuk ka tokë për të falur dhe se ata që duan t’i falin toka Malit të Zi nga procesi i demarkacionit me këtë shtet, e nënshkruajnë kapitullimin e tyre politik.
Lexoni më poshtë postimin e tij të plotë:
Demarkacioni me Malin e zi duhet të vë në lëvizje të gjithë kokat e ndritura të vendit tonë dhe t’i shfletojnë me përpikëri të gjitha dokumentet që posedon edhe Arkivi i Kosovës (nëse ka) dhe në bazë të Rezolutës së Kuvendit të Kosovës të procedohet kjo çështje me përpikëri.
Kosova nuk ka tokë për të falur. 6.000 hektar tokë të cilat Mali i Zi pretendon t’i këtë në administrim të vet janë prona të cilat në vitin 1931-32 i kishin takuar padrejtësisht nga kralevina jugosllave.
Demarkacioni me Malin e Zi nuk duhet të na zë në gjumë, ata të cilët fshehurazi po duan t`ja falin Malit të Zi këto toka duhet ta dinë se me këtë falje do ta nënshkruajnë edhe kapitullimin e tyre politik. Protesta për këtë çështje duhet të ketë në mbarë Kosovën dhe një herë e përgjithmonë t’i themi JO të keqes e cila na ka kapluar tash e sa vite.
Kosova gjithashtu duhet të vazhdoi rrugën e saj në koordinim të plotë me faktorin ndërkombëtar e posaçërisht me SHBA-të të cilat kanë investuar aq shumë në shtetin e Kosovës që të jetë stabil dhe i qetë, por jo që edhe tokat që na takojnë në pronësi tonë t’i kalojnë padrejtësisht dikujt tjetër, në këtë pikë edhe miqtë tanë ndërkombëtar janë në krahun tonë.
Sot ne po vuajmë pasojat e kleptokracis e cila po sundon me vendin tonë që nga paslufta e së këndejmi, ku edhe faljet e tilla të personave në fjalë nuk kushtojnë asgjë vetëm akomodimi i tyre personale. Interesat shtetërore njëherë e përgjithmonë duhet të vihen para atyre personal. Kjo edhe është rruga që elita politike në përgjithësi ishte dashtë të ndjek tash e sa vite.
Kjo e shumë gjëra tash e sa vite po na kushtojnë shumë, sot Kosova ka nevojë më shumë se kurrë më parë për ide dhe forcë të re, forcë e cila do të ndryshonte konceptin politiko-ekonomiko-social si dhe të jetë e gatshme ta mbrojë me çdo forcë sovranitetin dhe integritetin territorial të saj, ku siç e ceka edhe më lartë, ta vendos në rend të parë interesin dhe vetëm interesin shtetërorë.(sic)
