Presidentja e Kosovës, Vjosa Osmani ka uruar Krishtlindjen.
Ajo thotë se në këtë ditë çmojmë posaçërisht lidhjet dhe traditat që na bashkojnë.
“Festa e Krishtlindjes është një mundësi reflektimi për shpresën, bujarinë dhe bashkimin – një periudhë kur na kujtohet fuqia e dashurisë dhe shpresës. Në këtë ditë ne çmojmë posaçërisht lidhjet dhe traditat që na bashkojnë”.
Osmani thotë se Krishtlindja është frymëzim që na kujton të gjithëve se përballë sfidave, duhet të triumfojë shpresa.
“Uroj të gjithë besimtarët e krishterë për Krishtlindje me shumë dashuri, gëzim dhe paqe! Le të na frymëzojë kjo festë për një të ardhme me shpresë të pakufishme”, ka thënë Osmani.
