Presidentja e vendit, Vjosa Osmani njoftoi se sot ishte e nderuar të mirëpriste fituesin e çmimit Nobel, Dr. Denis Mukwege, të cilin e quajti kampion të vërtetë për të drejtat e njeriut dhe drejtësinë.
Në një postim në platformën X, e para e shtetit shkroi se diskutuan përpjekjet e pandërprera të Kosovës për të mbështetur të mbijetuarat e dhunës seksuale gjatë luftës dhe nevojën kritike për të arritur drejtësi, si dhe që do të vazhdojnë të forcojnë zërat e të mbijetuarve dhe luftën tonë kolektive për drejtësi.
