Projekti energjetik “Kosova e Re” , i filluar tash e më shumë se një dekadë vazhdon të mbetet i vështirë dhe i kompletuar edhe për Bankën Botërore. Kjo bankë rangimin e Kosovës në vendin e 66-të vlerëson një përmirësim solid për të pasur investime të huaja.
Rritja ekonomike për këtë vit 3 përqind dhe që pritet të jetë 3.5 përqind në vitin e ardhshëm mbetet e pa mjaftueshme për ta zbutur varfërinë dhe papunësinë.
Kështu ka vlerësuar drejtori i Zyrës së Bankës Botërore në Kosovë Jan Peter Olters në intervistën për KosovaPress, i cili thotë se marrëveshja e arritur për MSA-në është rëndësishme për integrimet e tregut në BE dhe zhvillim ekonomik, mirëpo do të ketë edhe presion për mbushjen e buxhetit të shtetit tash më shumë.
Për projektin “Kosova e re” i cili projekt ka filluar tash e më shumë se dhjetë vjet dhe nuk po realizohet, Olters thotë se BB nuk ka ndryshuar mendimin për këtë projekt energjetik, edhe pse thotë se është një projekt shumë i vështirë dhe i komplikuar.
Ai beson se projekti “Kosova e re” ka mundësi për t’u realizuar, dhe sipas tij Qeveria është duke negociuar për këtë projekt.
Olters thotë në këtë vit sipas parashikimeve të tyre ekonomia e Kosovës ka një potencial për të përshpejtuar zhvillimin e saj. Sipas tij, për vitin 2015 Kosova do të ketë një rritje ekonomike afërsisht 3 përqind.
Drejtori i Bankës Botërore ka folur edhe për impaktet pozitive dhe impaktet negative për mbushjen e buxhetit me marrëveshjen e MSA-së për Kosovën, i cili thotë se për veç mbështetjes nga BE, është edhe një stimulim për zhvillim ekonomik. Dhe është e vështirë natyrisht nga MSA sepse ka një impakt për të ardhurat dhe për buxhetin kjo marrëveshje do të krijojë presion për të përshpejtuar modernizimin e sistemit fiskal. Mirëpo ai kërkon fokusim më të madh për shpenzimet buxhetore.
Ai beson se Kuvendi do të ratifikoj marrëveshjen me institucionet financiare ndërkombëtare për projektet e zhvillimit , siç është projekti i arsimit të financuar nga Banka botërore dhe përfundimisht do të votojë për buxhetin e vitit 2016.
Sipas tij, buxheti i Kosovës vazhdon të jetë shumë i përkufizuar, është një sfidë shumë e madhe për Ministrinë Financave për të siguruar që të ardhurat që ka Kosova mund të realizojë sfidat kryesore duke përfshirë edhe investimet që janë shumë të rëndësishme për të siguruar zhvillimin e vendit. Ai beson se ky buxhet do të siguroi stabilitetin dhe siguron një stimulim për zhvillimin e vendit gjatë vitit që vjen.
Olters tregoi se në raportin‘Doing Business’ Kosova ishte në rangun 126 në vitin 2012 dhe tani është në 66. Ai thotë se ka përmirësim gradual por konsistent vit për vit dhe do të ketë një impakt shumë të lartë për të realizuar investime në këtë vend.
