Bashkimi Evropian ende nuk ka caktuar datën se kur Kosovën do ta vizitoj Dimitri Avramopulos, Komisionar për Çështjet të Brendshme.
“Komisioni Avramuplus planifikon të diskutoj dhe verifikoj progresin gjatë vizitës së tij në Kosovë, por datën e saktë nuk mund ta themi në këtë moment”, ka thënë për Tribuna Channel Maja Kociançiq, zëdhënëse e Bashkimit Evropian.
Avramopulos kishte paralajmërua vizitë në Kosovë në fillim të viti 2016 për të parë nga afër plotësimin edhe të tetë kritereve shtesë nga Bashkimi Evropian për liberalizimin e vizave.
Këtë zotim ai e kishte dhënë më 18 dhjetor ditën kur Komisioni Evropian tha se Kosova duhet të përmbush edhe kritere shtesë për këtë proces që kanë të bëjnë kryesisht me sundimin e ligjin luftimin e korrupsionit dhe krimit të organizuar.
Ndërsa Qeveria ka paralajmëruar të mbajë mbledhje për të hënën me qëllim të intensifikimi të aktiviteteve sa i përket liberalizimit të vizave.
