Problemet jashtë fushës së lojës nuk e pengojnë Karim Benzema të shijojë jetën në maksimum. Pavarësisht ecurisë jo të mirë të Realit në kampionat dhe përballjes së sulmuesit me drejtësinë franceze, ai ka zgjedhur Dubain për të festuar 28 vjetorin e lindjes. Duke përfituar nga ditët pushim që i la trajneri Zidane, sulmuesi udhëtoi drejt Dubait ku në një festë private dhe tepër luksoze, festoi ditëlindjen mes miqve dhë të afërmve. Asnjë prej shokëve të tij të skuadrës nuk ishte i pranishëm në festën private ku Benzema shpenzoi mijëra Euro për të kaluar momente përrallore.
Dy vjet pas martesës së tyre, modelja Gloria Govan dhe shtatlarti i Memphios Grizzlies, Matt Barnes, i kanë dhënë fund historisë së tyre. Zërat për një krizë mes çiftiti kishin nisur të qarkullonin prej kohësh, madje ata nuk kanë konfirmuar ende asgjë, por mediat rozë janë të sigurta se gjatë javëve të ardhshme gjykata do të vendosë për divorcin. Ata konsideroheshin si një nga ciftet më të lumtur të botës së televizionit, por mesa duket diçka nuk ka funksionuar pasi Barnes nuk e ka miratuar asnjëherë marrëdhënien tepër të afërt të bashkëshortes së tij me një tjetër shtatlart, ish basketbollistin Derrick Fisher.
Ajo njihet nga të gjithë me nofkën Tamra Dae sepse gjatë viteve të fundit ka arritur të tërheqë një vëmendje të madhe në botën e modës. LInjat marramendëse të bukuroshes kaliforniane janë pasojë e të shkuarës së saj në sport. Ish futbollistja bukuroshe u detyruar ta braktiste sportin për shkak të një dëmtimi të rëndë, duke iu dedikuar botës së modës. Koha tregoi se ajo ka marrë vendimin e duhur pasi pozat e saj provokuese kanë arritur të bëjnë xhiron e botës.
