Në një video nëntëminutëshe të postuar mbrëmë në rrjetin YouTube, grupi ekstremist, Shteti Islamik (IS), bënë thirrje që militantët të ndërmarrin sulme në Rusi.
Në video shihet një person i maskuar duke e drejtuar një veturë në shkretëtirë, i cili duke e tundur gishtin thotë: “dëgjo Putin, ne do të vijmë në Rusi dhe do të ju vrasim juve në shtëpitë e juaja”.
Ky postim u bë në periudhën kur Rusia dhe Shtetet e Bashkuara po bisedojnë për shtimin e bashkëpunimit ushtarak dhe të inteligjencës kundër militantëve të Shtetit Islamik dhe al-Kaidës.
Po ashtu, videoja u transmetua pas një vargu të sulmeve vdekjeprurëse në Evropë gjatë javëve të kaluara, për të cilat përgjegjësinë e ka marrë grupi ekstremist, Shteti Islamik.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
