Presidenti në ardhje i Kosovës, Hashim Thaçi deklaroi pak kohë më parë se do të ftonte edhe presidentin serb në ceremoninë e inaugurimit të tij në postin e kreut të shtetit, por Tomislav Nikoliq, e ka refuzuar këtë ftesë, duke theksuar se nuk mund të merrte pjesë në inaugurimin e një kryetari shteti që nuk ekziston.
“Po e shoh se ajo (ftesa) ka arritur në medie, por unë s’e kam vendin atje për shkak se unë jam kryetar i Serbisë”, ka thënë Nikoliq.
Ai ka shtuar se për të shteti i pavarur i Kosovës nuk ekziston dhe se inaugurimi i Thaçit bëhet në kuadër të “institucioneve të përkohshme të Prishtinës dhe sipas Kushtetutës së Kosovës”.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
