Rrjeti i marketeve të lagjes Meridian Express, i njohur me moton “N’ derë të shtëpisë”, për ofrimin e produkteve cilësore dhe ofertave më të mira në treg, Meridian Express sot nënshkruan marrëveshjen e fillimit të bashkëpunimit me Sindikatën e Arsimit, Shkencës dhe Kulturës në Kosovë (BASHK), duke i ofruar të gjithë anëtarëve të kësaj sindikate zbritje në blerjet që ata bëjnë në të 33 marketet Meridian Express në gjithë territorin e vendit.
SBASHK-u është sindikata e punëtorëve të arsimit në Kosovë. Ajo është një organizatë e pavarur dhe jo-fitimprurëse, që përfaqëson interesat e rreth 20,000 anëtarëve të saj, nga radhët e arsimit parashkollor, parauniversitar, universitar dhe sektorit të kulturës e shkencës.
Yllka Mustafa , Menaxhere e Marketingut ne Meridian Express dhe Rrahman Jasharaj, Kryetar i SBASHK-ut, e vlerësuan shumë këtë bashkëpunim, i cili do t’i ofrojë sindikalistëve të SBASHK-ut çmime të volitshme në blerjet që bëjnë në marketet e Meridian Express, thuhet në kumtesë.
Ky bashkëpunim u cilësua si partneritet mjaft i suksesshëm dhe krijon bazë shumë të rëndësishme për zhvillimin e projekteve të reja mes dy palëve në të ardhmen.
Bashkëpunimi i arritur mes SBASHK-ut dhe Meridian Express është mbështetur nga projekti “Përkrahje Partnerëve Social”, i cili i vjen në ndihmë dialogut social në Kosovë. Në kuadër të këtij projekti, sindikatat e mëdha të Kosovës, ndër të cilat edhe SBASHK-u, janë pajisur me ID kartela digjitale të anëtarësisë, mbi të cilat do të bëhet edhe zbatimi i lirimeve në 33 supermarketet e rrjetit të Meridian Express. /Telegrafi/
