Qindra njerëz në Kanada, u bënë pjesë e një manifestimi të heshtur në kishë, në shenjë kujtimi të katër viktimave të cilët humbën jetën nga të shtënat, të premtën në një shkollë të mesme në La Loche.
Sipas autoriteteve djaloshi pothuajse 18 vjecar, tashmë është shfaqur në gjykatë, për tu mbajtur i arrestuar, ngase ai po akuzohet për 4 vrasje. Në këtë incident përveç viktimave, mbetën të plagosur edhe 7 persona të tjerë.
Djaloshi u përshkrua tejet i ndjeshëm dhe i qetë por që shpesh të ngacmohej nga të tjerët për veshët e tij të mëdhenjë, sipas banorëve të La Loche.
Dëshmitarët thanë se nga të shtënat në shkollën e mesme ai kurseu vetëm ata të cilët kishin qenë të sjellshëm me të, ndërsa bëhet e ditur se për të janë bërë përpjekje të shumta që ai të trajtohet nga shërbimet e shëndetit mendor.
