Një incident ka ndodhur sot në hyrje të Hungarisë nga kufiri serb, ku një autobus që po udhëtonte drejt Gjermanisë u ndalua nga autoritetet e sigurisë.
Bëhet fjalë për një kompania e udhëtimeve “EuroFly” nga Kosova, në autobusin e së cilës dyshohet të ketë pasur lëndë të dyshuara narkotike, shkruan IndeksOnline.
Në pamjet e siguruara nga IndeksOnline shihet se udhëtarët kanë tash e disa orë që orvaten në pikën ku janë ndaluar, teksa burimet bëjnë të ditur se shoferi i autobusit është shoqëruar në stacion policor për të dhënë dëshmi.
Me të pranuar informacionin, IndeksOnline ka kontaktuar disa herë kompaninë nga Peja, por që të njëjtit nuk janë përgjigjur.
Nga institucionet hungareze nuk ka ende ndonjë informacion zyrtar, sakaq udhëtarët kanë mbetur të bllokuar dhe rrugëtimi i tyre drejt Gjermanisë do të zgjatet.
