Seka mosmarrëveshje në mes deputetëve të LDK-së dihet botërisht. Por ato janë shfaqur edhe sot gjatë seancës së Kuvendit.
Në bankën ku janë të ulur afër njëri-tjetrit është parë një “konflikt” në mes deputetëve Fatmir Rexhepi, Muhamet Mustafa dhe Ali Sadria.
Nuk dihet cila ka qenë arsyeja e kësaj, por në bazë të filmimeve dhe fotografive të shihet se nervozizmi i deputetëve ka qenë shumë i lartë.
Madje Fatmir Rexhepi disa herë ka ngritur dorën në drejtim të Ali Sadrisë, ndërkohë që edhe Salih Morina ia ka bërë me shenjë Armend Zemajt sikur të dojë që t’i thotë “Mere e dilni pak jashtë”.
Pas këtij debati të ashpër ndërmjet vete Fatmir Rexhepi së bashku me Armend Zemajn, Arben Gashin dhe Shpejtim Bulliqin kanë dalë jashtë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
