Kusari- Lila ka treguar edhe projektet që do t’i prezantojë në konferencën që do të mbahet në fund të këtij muaji në Gjakovë.
Ligji për investimet e huaja nuk ka pasur pengesa në zbatim por problemi është rendi dhe ligji, korrupsioni i lartë, mos ekzekutimi i kontratave, pritja e gjatë e investitorëve të huaj por edhe atyre vendor nëpër gjykata për zgjedhjen e kontesteve që i kanë pasur
Të gjitha këto kanë ndikuar për një imazh jo të mire në Kosovë.
Kështu u tha sot, ndër të tjera, në konferencën e mbajtur në Odën Ekonomike të Kosovës (OEK) me rastin e organizimit të konferencës me investitorë të huaj që do të mbahet më 29 dhe 28 korrik në komunën e Gjakovës.
Në konferencë ishin të pranishëm , kryetarja e Komunës së Gjakovës Mimoza Kusari Lila, përfaqësues nga Aleanca Kosovare e Biznesit , përfaqësues të Odës Ekonomike Gjermane , etj.
Kusari- Lila me këtë rast ka treguar edhe projektet që do t’i prezantojë në konferencën që do të mbahet në fund të këtij muaji në Gjakovë. Ajo ka përmendur disa sektorë si potenciale për të investuar në komunën ku ajo e drejton, transmeton KP.
Ajo po ashtu tha sfidat për komunën e Gjakovës, është ngecja në aspektin e funksionalizimit të zonave ekonomike, me theks të veçantë në zonën e lirë ekonomike.
“Komuna e Gjakovës do t’i prezantoja gjitha pronat komunale dhe që ka mundësi të dhënies në shfrytëzim. Ne vetëm kemi filluar deri tani i kemi tre iniciativa të ndryshme të dhënies në shfrytëzim të tokës komunale për aktivitetet bujqësore të cilat kanë kaluar sipas ligjit për dhënien në shfrytëzim të tokës komunale përmes asamblesë. Gjithashtu do të prezantohen aktivitete turistike të mundshme por edhe mundësitë e partneritetit publiko- privat në sferën e turizmit”, tha Kusari-Lila.
Ajo po ashtu ka treguar edhe për sfidat që ka komuna e Gjakovës, ngecje në aspektin e funksionalizimit të zonave ekonomike, me theks të veçantë në zonën e lirë ekonomike.
“Një ngecje e cila shënon edhe ndalimin në ekonominë e Gjakovës, është edhe mos kompletimi i bordit të Agjensionit Kosovar të Privatizimit, kur dihet se komuna e Gjakovës tashmë ka filluar negocimin për qiramarrje afatgjatë të tri hapësirave që janë sot nën menaxhim të Agjensionit Kosovar të Privatizimit dhe si rrjedhojë e mos kompletimit të bordit ka mbetur ende pa u funksionalizuar kjo kontratë për themelimin e zonës industriale në Gjakovë”, tha Kusari –Lila.
Agim Shahini, kryetar i Aleancës Kosovare të Biznesit (AKB), tha se qeveritë lokale janë shumë të rëndësishme për nxitjen e investitorëve të huaj.
Ai po ashtu në emër të AKB-së tha se e përkrahë iniciativën e kryetares Kusari- Lila për konferencën me investitorë. Po ashtu edhe Lendita Kastrati kryetare e Dhomës Ekonomike të Grave tha se ofron përkrahje Komunës së Gjakovës në këtë iniciativë.
