Krimi i rëndë që ka ndodhur sot në Palasë të Vlorës, ka tronditur mbarë opinion publik, kjo për faktin se i sëmuri mendor mund të ketë kryer edhe një tjetër krim të rendë në këtë zonë pas denoncimit të zhdukjes të një 9 vjeçari.
Sipas të dhënave të para raportohet se autori është identifikuar si Jorgos Zani, 30-vjeç, një person me problem mendore dhe sipas policisë, konfirmuar edhe si përdorues droge i ka marrë jetën një të afërmi të tij vetëm 12 vjeç që ishte kthyer në atdhe për të kaluar disa ditë pushime.
Viktima është kushëriri i tij, vetëm 12-vjeçar, A.Zani, i cili nga të dhënat paraprake, është gjetur i masakruar në anë të rrugës. Ka qenë një tregtar i fruta-perimeve i cili fillimisht ka gjetur trupin e pajetë mbuluar me çarçaf dhe më pas policia ka gjetur autorin. Dyshimet e para të policisë, sapo u idenfikua viktima ka qenë te kushëriri i tij, i cili, njihej në zonë, si person me probleme mendore. Autori është arrestuar me kokën e prerë të kushëririt të tij në dorë.
Dëshmia e fqinjit: Autori i sëmurë, nuk e mbanin në spital
Një fqinj i familjes ku ka ndodhur ngjarja makabre ka rrëfyer për mediat se autori ishte me probleme mendore dhe nuk e mbanin në spital. “Në cmendinë e kanë çuar dhe e kanë nxjerrë, ka qëndruar dy tre ditë dhe e kanë nxjerrë, shqetësime sillte në fshat se njeri i sëmurë ka qenë mendor, shenjën e nazizmit një herë e ka bërë. Viktimën e kishte djalin e kushërirës së parë. Keto dite rrinin bashkë në një shtëpi në një godinë, djali sivjet ishte me prindërit, ata i ikën në Greqi ditën e hënë dhe e lanë te gjyshja:, tha ai.
Dëshmia tronditëse e bariut: Hante këlysha qensh. Një 9-vjeçar është zhdukur
Gazetari i “Neës24” Enrik Mehmeti zbardh detaje të reja nga ngjarja e rëndë në Palasë. Ai realizoi një intervistë me bariun e zonës që një vit më parë ishte dhunuar ne mënyrë brutale nga Jorgo Zani. “Para një viti më rrahu me bishtin e sëpatës. U përleshëm. O do më vriste o do e vrisja. Mora policinë dhe i thashë që kapeni se ndryshe do e vras. Por ai u arratis, nuk e kapën. Që në momentin që më goditi unë u shmanga, po fati i keq, sot u gjet djali pa koke”. Bariu tregon se Zani kishte bashkëpunëtor një fëmijë 9 vjeç me emrin Kico Konomi. Sipas bariut, Kico është kthyer në tmerrin e zonës, pasi duke qëndruar me Jorgo Zanin, grabiste dhe vriste kafshë. “Kico Konomin e kishte bashkëpunëtor, 9 vjeç. Ky fëmijë cfarë nuk bënte në zonë. Ditët e fundit ka grabitur dhe një çifte dhe është në kërkim prej dy ditësh”. Nga rrëfimi i bariut mësohet se Jorgo jetonte i vetëm në një banesë në Palasë. Aty u kap me kokën e djaloshit në duar. “Jetonte i vetëm. Prindërit i ka në Greqi, ka jetuar në Greqi, nuk e di pse është kthyer. Sa budalliqe ka bërë në fshat, të gjithë e dinë. Therte këlysha qensh dhe i hante vetë. Ishte i tmerrshëm. Thuhet se në të gdhirë djalin, Andrean e përzuri dhe pastaj e zuri e ndoqi në rrugicë afër shtëpisë, 150 metra larg dhe aty e ka therur me hanxhar. Kokën ia kanë gjetur brenda në banesë. Ne ate banese e gjetën autorin me kokën e djalit në dorë”, thotë bariu.
