Mateo Kovacic mund të jetë goditja e madhe e Milanit gjatë merkatos së verës. Drejtuesit kuqezi po mendojnë për të kthyer në Serinë A mesfushorin kroat, që u transferua nga Interi te Reali gjatë merkatos dimërore për 31 milionë Euro. Aktivizimi i paktë me Los Blancos i ka bindur drejtuesit e klubit spanjoll për t’i marrë në konsideratë ofertat që do të vijnë për 21-vjecarin, madje edhe nëse do të dilnin me humbje. Gjithsesi, pa një ofertë të kënaqshme ekonomike, kuqezinjtë do ta kenë të vështirë ta shkëpusin lojtarin në skuadra “merengues”.
Për Kovacic kanë shfaqur gjithashtu interes Sevilla dhe Tottenham, megjithatë mungojnë ofertat konkrete për të. Duke patur parasysh moshën dhe cilësitë e kroatit, për Milanin do të ishte një investim i rëndësishëm për të ardhmen. Kovacic ka kontratë me Realin e Madridit deri në vitin 2021 në bazë të së cilës përfiton 3.5 milionë Euro në sezon.
