Kampionët në fuqi të Serie A, Milan nuk kanë shkuar më shumë se një barazim pa gola në transfertë ndaj Cremonese-s. Ndeshja u luajt për javën e 14-të të kampionatit italian.
Takimi u dominua nga kuqezinjtë, por ata u treguan të pasaktë përballë portës së skuadrës vendase.
Në minutën e 57, Milan-it iu anulua një gol nga VAR, të cilin e realizoi sulmuesi belg, Divock Origi, por ai gjendej në pozicion jashtë loje.
Barazimi nuk është i favorshëm për kuqezinjtë, pasi Napoli i vendit të parë, që triumfoi më herët 2-0 ndaj Empoli-t, e thelloi hendekun me ta në renditje.
Aktualisht Napoli ka 38 pikë. Tetë pikë më pak ka Milan-i që gjendet në vendin e dytë. Lazio dhe Atalanta që vijnë pas kuqezinjëve kanë nga 27 pikë, por dhe nga një ndeshje më pak.
Përsa i përketë Cremonese-s, ajo renditet në vendin e 18 me vetëm shtatë pikë.
Më herët në Serie A u luajtën dy takime: Napoli 2-0 Empoli dhe Spezia 1-1 Udinese.
Serie A do të vijojë me ndeshjet e tjera të javës së 14-të:
Të mërkurën
Sassuolo – Roma
Lecce – Atalanta
Inter – Bologna
Fiorentina – Salerintana
Torino – Sampdoria
Të enjten
Hellas Verona – Juventus
Lazio – Monza /Albanianpost.com
