Skuadra e Sinisa Mihajlovic,po zhvillon një sezon me ulje dhe ngritje. Fiton në derbi ndaj Interit,arrin të marrë një trepikësh në një fushë jo të lehtë sic është ajo e Palermos dhe barazon në shtëpi ndaj Udineses, një takim i lehtë në letër për kuqezinjtë por që nuk rezultoti i tillë. Ndaj të mëdhenjve Milani tregon vendosmëri, ndërsa ndaj të vegjëlve shfaqet një ekip i dobët. E gjithë kjo histori nisi në muajtë Tetor-Nëntor kur kuqezinjtë arritën tre fitore radhazi, konkretisht ndaj Sassuolos, Chievos dhe Lazios. Kur gjithcka dukej se po ecte në drejtimin e duhur, erdhi barazimi 0-0 ndaj Atalantës, një pikë që nuk i shkoi për shtat as skuadrës së Edi Rejas. Më pas në Nëntor erdhi fitorja e thellë ndaj Sampdorias me rezultatin 4-1. Kalendari i muajit Dhjetor favorizonte Milanin, duke i dhënë mundësinë të ndeshej me ekipe të vogla dhe në këtë mënyrë rriteshin shanset për një biletë në kupat e Europës,por nuk ndodhi kështu,pasi skuadra mori dy barazimë ndaj Carpit dhe Veronës. Pas këtyre rezultateve u ritkhyen diskutimet në lidhje më të ardhmen e trajnerit serb. E menjëhershme ishte dhe ringritja, ekipi arriti tre fitore radhazi dhe 2 barazime, rezultate që rikonfirmuan në krye te stolit të kuqezinjve Mihajlovic. Gjithsesi, historia u përsërit sepse kur dukej se gjithcka po ecte në drejtimin e duhur erdhi barazimi me Udinesen. 4 skuadra të ashtuquajtura të vogla e kanë ndalur djallin këtë sezon duke i hequr pikë të arta konkretisht, Verona, Bologna, Atalanta dhe sëfundmi Udinese. 12 pikë deri diku të sigurta, të cilat do t’i siguronin MIlanit minimalisht vendin e tretë. Në fundjavë Milani do të këtë përballë ekipin e GenoaS dhe vëmëndja duhet të jetë maksimale pasi një tjetër trëpikësh i lënë mund t’i kushtojë shumë ekipit kuqezi.
